“Вест Хэм” 44 миллион еврога Арнаутович билан хайрлашиши мумкин

Ахборот агентлиги хабарига кўра, Лондон клуби раҳбарияти футболчини 44 миллион еврога сотиши мумкин.

Илгарироқ Хитой клубларидан бири ҳужумчи учун 35 миллион фунт (39 миллион еврога яқин) маблағ таклиф этганди. Шунингдек, австриялик футболчига “Манчестер Юнайтед” ҳам қизиқиш билдирганди.

29 ёшли Арнаутович жорий мавсумда “Вест Хэм” сафида АПлда 16 та учрашувда майдонга тушиб, еттита гол (биттаси пеналтидан) уриш билан бирга икки бор жамоадошларининг голларига ҳаммуаллифлик қилган. Унинг клуб билан амалдаги шартномаси 2022 йилга қадар тузилган.