Варди АПЛдаги юбилей голини урди ва бунга Дрогба, Лукаку ва Рунидан тезроқ эришди
04 jul 2020 21:58
News

Варди АПЛдаги юбилей голини урди ва бунга Дрогба, Лукаку ва Рунидан тезроқ эришди

Англия чемпионати 33-тури доирасида ўтган “Лестер” – “Кристал Пэлас” учрашувида мезбонлар йирик ҳисобда (3:0) зафар қучишди.

Жейми Варди ўйинда дублга эришиб, бир неча ўйинлик голсиз сериясига якун ясади ва АПЛдаги голлари сони 101тага етказди. У буни 207 баҳсида қайд этди. Шунингдек, унинг ҳисобида 28та ассист ҳам мавжуд.

Айтиш жоизки, Жейми мазкур кўрсаткичга Дидье Дрогба, Ромелу Лукаку, Уэйн Руни, Николя Анелька, Дефо, Робби Кин, Даррен Бент, Питер Крауч ва бошқаларга нисбатан тезроқ эришди.