Вадим Абрамов: "Ярим йилдан бери клубда бош директор кимлигини билмаймиз..."
07 dec 2020 18:46
News

Вадим Абрамов: "Ярим йилдан бери клубда бош директор кимлигини билмаймиз..."

Ўзбекистон кубоги нимчорак финалидан ўрин олган "Қизилқум" - "Бунёдкор"(3:1) учрашувидан сўнг меҳмонлар бош мураббийи Вадим Абрамов фикрларини билдириб ўтди.

"Нима ҳам дердим, ўзимиз мағлуб бўлдик. Ўйинимиз қандайдир тушунарсиз бўлди, ўхшамади. Рақиб учта зарба берди ва шунча гол урди. Тўғри ўйнамаганимиз ҳисобига мағлубиятга учрадик.

Кубокни қайси босқичда тарк этиш аламли бўлса-бўлмаса майдонга чиқиб ўйнашимиз керак эди. Мавсум шуни тақозо этди. Хурсанд қиладиган томони мавсумни ниҳоясига етказиб олдик.

Клубда ярим йилдан бери бош директор йўқ. Унинг кимлигини билмаймиз, кўрмаганмиз. Шундай бўлсада биз ўйнадик.

Жамоада ким раҳбарлигини ҳам билмаймиз. Нималар бўлаётганини ҳам тушунмаяпман. Ҳеч ким йўқ, кўрмаяпмиз ҳам. У ким? Айтадиган ҳеч қандай гапим йўқ",- дейди Вадим Абрамов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +15