Вадим Абрамов "Локомотив"ни чемпионлик билан қутлади

Футзалчиларимизнинг бу муваффақияти “Локомотив” футбол клуби бош мураббийи Вадим Абрамовни ҳам хурсанд этди ва расмий сайтимиз орқали чемпионларни табриклади.

Сўнгги йилларда мамлакатимизда футзални ривожлантиришга катта эътибор берилаётгани ва бу жараёнда «Ўзбекистон темир йўллари» ДАТК ҳам муҳим ўрин тутаётганлигини алоҳида таъкидлаган бош мураббий «Локомотив» футзал жамоаси йилдан йилга юксалишга эришаётгани клубда ишлар тўғри йўлга қўйилганидан дарак беришини ҳам эътироф этди.

“Футзалчиларимизнинг бу муваффақияти барчамизни хурсанд этди. Аҳаджон Юсупов ва клуб футзалчиларини ушбу олтин медаллар билан табриклайман. Уларга яна Ватанимиз шарафини Осиёда ҳам муносиб ҳимоя қилишларини тилаб қоламан” - дейди Абрамов