Вадим Абрамов: "Ғалаба қозонишимиз керак эди"
15 may 2015 01:24
News

Вадим Абрамов: "Ғалаба қозонишимиз керак эди"

"Олмалиқ" ва "Локомотив" иштирокидаги баҳс якунига етгач ўтказилган матбуот анжуманида дастлаб "темирйўлчилар" устози Вадим Абрамов иштирок этди.

Ўйин ҳақида
- Бугунги учрашувга фақат ғалабани кўзлаб келгандик. Аммо баҳс дуранг натижа билан якун топди. Ўйин охирларида гол урмаганимизда ютқазиб қўйишимиз ҳам мумкин эди. Шу боис бу ҳақда бир нарса дея олмайман. Ўйинда дуранг қайд этилди. Энди навбатдаги беллашувларни ютишга ҳаракат қиламиз.

Ҳужумчилар ҳақида
- Ҳужумчиларимиз кўплаб вазиятларга эга бўлмоқда. Лекин гол уришга келганда хатолар бўляпти. Баъзан омад келмаяпти, баъзан ҳужумчиларда босиқлик етишмаяпти. Масалан, биргина Абдухолиқовнинг ўзи биринчи таймда учта юз фоизли имкониятдан фойдалана олмади. Балки ёзги танаффус пайтида жамоага янги ҳужумчи таклиф этиш борасида ўйлаб кўрармиз. Биринчи даврадан кейин нима бўлишини вақт кўрсатади.

Ҳакамлик ҳақида
- Ҳакам кўп марта сариқ карточка кўрсатди. Нима учунлигини яхшиси унинг ўзидан сўраган маъқул. Мен бу борада бирор нарса дея олмайман.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: