Вадим Абрамов: “Бразилиялик легионерлар талаб даржасида эмас”

Жамоа бош мураббийи Вадим Абрамов сафар олдидан ўз фикрларини билдирди.

“Барчаси режадагидек кетмоқда. Тошкентда қор ёққани туфайли сўнгги назорат ўйинларида футболчилар нималарга қодирлигини тўлиқ кўра олмадим. Туркияда барча футболчилар ўз имкониятларини тўлиқ намойиш этишади. Бразилиялик легионерлар барчадан ажралиб туришлари лозим, афсуски жамоамиздаги бразилияликлар ҳозирча ажралиб туришмаяпти. Россиялик футболчилар юқори савиядаги ўйинчилар ҳисобланади. Туркияда Тунисдан икки нафар футболчи келиши керак. Барча легионерларни синовдан ўтказамиз, энг кучлилари билан шартнома тузилади.

Рақиблар ҳақида нима дея оламан. Руминия, Грузия, Россия клубларига қарши назорат учрашувларини ўтказамиз”, - дейди Абрамов.