Усмонов Ироқ U-20 ёшлар терма жамоасини ЖЧ-2013даги муввафақият билан табриклади

Туркияда бўлиб ўтган 2013 йилги жаҳон чемпионати баҳслари Осиё қитъаси вакиллари учун айниқса муваффақиятли кечди. Жумладан, ЖЧ-2013да иштирок этган тўрт Осиё жамоасидан учтаси чорак финал босқичига етиб келди. Ўз навбатида, Туркиядаги кичик мундиалда Ироқ ёшлар терма жамоаси ярим финал босқичига йўлланма олиб, жаҳоннинг энг кучли тўрт жамоаси қаторига кира олишди.

«Жаҳоннинг энг кучли тўрт терма жамоаси қаторига кириш ҳақиқатан ҳам катта муваффақиятдир ва бу Сиз ва Сизнинг қўл остингиздаги ташкилот мамлакат болалар-ўсмирлар футболини ривожлантиришда тўғри йўналишда машаққатли меҳнат қилаётганини яна бир бор тасдиқлайди», - дейилади ЎФФ Президенти Мираброр Усмоновнинг табрик мактубида.

Ўзбекистон Футбол Федерацияси Президенти Мираброр Усмонов Ироқ футбол уюшмаси президенти Нажа ал-Обайдийни ЖЧ-2013даги муваффақиятли иштирок билан табриклади ҳамда бундай зафарлар Осиё ва жаҳон майдондаги давомли бўлишига тилакдошлигини билдирди.