Усмон Тошев: "Хатолар бор, барчасидан зинама зина ўтилади"

"Ғалаба билан барчани табриклайман. Ўйин осон бўлмади, иссиқ ҳарорат, футболчилар хаяжонланишди. Камчиликлар бор, буни тўғрилаймиз. Йигитларнинг иқтидоридан келиб чиққан ҳолда хатоларни камайтириш борасида ишлаймиз.

Футболда барчаси бирданига ўхшамайди. Барчасидан зинама зина ўтиш керак. Дарвозага зарба бериш учун ҳам ишлаш керак. Футболчи ўзини йўқотиб қўйса, вазият қийинлашиб кетади. Футболчиларда ҳозирча катта ўйин тажрибаси йўқ. Бу борада ишлашимиз керак.

Агар футболчи тўп билан муомаласи яхши бўлса, улар билан комбинция борасида ишласак бўлади. Ҳозира биз тўп назорати борасида сустроқмиз. Иккинчи бўлимда футболчилар ўзлари учун ўйнашига ҳалақит қилмадик. Футболчилар чалкашиб кетишмасин. Айрим вазиятларда биз керак ва керак бўлмаган ишларни тушунтирдик. Бироқ барчасини футболчиларга қўйиб бердик. Бу хатоларни машғулотларда тўғриласа бўлади", - деди Усмон Тошев.