Уолкер майдонга қайтишга яқин

Мушакларидаги муаммолар туфайли Кайл март ойидан буён майдонга тушгани йўқ. У йўқлигида жамоада ўнг қанотда марказий ҳимоячилар Влад Кирикеш ва Эрик Дайер ўйнашди.

Уолкернинг соғайиб яна сафга қайтиши "Тоттенхэм" устози Маурисио Почеттинони қувонтириб юборди. Мураббий Кайлни Европа лигаси доирасидаги "Бешиктош"га қарши баҳсда ўйнатмоқчи.

"Балки мен бир қатор футболчиларга хордиқ олиш имконини берарман. Олдимизда ўйинлар жуда кўп, кейинги ҳафта Англия Лига кубоги доирасида "Ньюкасл" билан ўйнаймиз. Жароҳат олганлар кўп, таркибда бир қатор ўзгаришлар бўлиши табиий", - дейди Почеттино The Guardian нашрига.

"Тоттенхэм" Европа лигасида плей-оффга чиқиши учун сафарда "Бешиктош"га мағлуб бўлмаслиги керак.