Умар Адҳамзода: "Навбаҳор" билан ўйинда "Нефтчи" ғалабага ҳақли эди"

 "Навбаҳор" таркибида Остон Ўрунов, Жамшид Искандеров каби ижрочилар бўлишига қарамай майдон эгалари имконият қолдиришгани йўқ. Айниқса Умар Адҳамзода Остон Ўруновнинг эркин ҳаракат қилишига йўл қўймади ва якунда у сайтимиз томонидан тур рамзий терма жамоасига лойиқ кўрилди. 

Neftchi

Superliga. Round 13 25/06/2023, 20:00 0 : 0 Finished

Navbahor

45'

90'

46'  Mirzohid G’ofurov (Abbos Gulomov)

77'  Lutfulla Turaev (Ulugbek Khoshimov)

90'  Anvar Gofurov

65'  Oston Urunov (Jasurbek Yakshibayev)

66'  Davron Khashimov

73'  Luka Сermelj (Milos Milovic)

73'  Abror Ismoilov (Asadbek Sobirjonov)

84'  Temurkhuja Abdukhalikov (Shohruz Norkhonov)

85'  Jasurbek Yakshibayev

Open in Match Center

- "Навбаҳор" билан учрашув ҳақида?

- Водий дербиси ўз номига яраша ўтди, дея оламан. Жамоалар, мухлислар зерикиб қолишмади. Вазиятларга бой ўтди. Кураш ҳам етарлича эди. Фикримча, "Нефтчи" ғалабага ҳақли ўйин кўрсатди. 

-  Шу куни Остон Ўруновга ҳеч қандай имконият қолдирмадингиз. Бу персонал ўйнаш топшириғими ёки Остон Ўруновни шахсан ўзингиз ҳам ўргандингизми?

- Персонал ўйнадим демаган бўлардим. Ҳар бир футболчи ўз позициясидаги футболчиларни таҳлил қилиб чиқади, кучли ва кучсиз томонларини ўрганади. Худди шундай мен ҳам. Остон Ўруновнинг ҳаракатларини кўриб чиққандим. 

- "Нефтчи"да дуранглар кўп бўляпти. 1 очко жамоани қониқтиряптими?

- Тўғри дуранг кўп ўйнамоқдамиз. Лекин мағлубиятга учрагандан кўра 1 очко яхшироқ.  

- Ўтган йили "Нефтчи" "Насаф"ни чемпионлик пойгасидан чиқариб юборганди. Бу сафар нима кутиш мумкин?

- Қаршида ажойиб ғалабага эришгандик. Биринчи даврани мағлубиятсиз якунлашимиз учун "Насаф"ни ютишимиз шарт. Танаффусга ғалаба кайфиятида чиқиб кетишни истаймиз. Ўйлайманки, мухлисларни хурсанд қила оламиз.

Абдулазиз Искандаров суҳбатлашди