Улуғбек Бақоев: "Ғалаба қозониш доимо ёқимли..."

-  Албатта, бугун об ҳаво футболчиларга қарашмади. Кучли ёмғир остида ўйнадик. Бу учрашувга ўзининг таъсирини ўтказмасдан қолмади. Йигитларга катта раҳмат. Кўрсатмаларни аниқ бажаришди. Тартибли ўйнашди. Ғалаба билан барча ўйинчиларимни ва мухлисларимизни табриклайман. Ҳар қандай танаффусдан кейин мусобақани ғалаба билан давом эттириш жуда ёқимли. “Металлург” жамоасига эса кейинги ўйинларда омад тилайман.

- “Сўғдиёна” етти учрашувдан буён мағлубиятсиз одимини давом эттираяпти: тўртта ғалаба, учта дуранг. Бундай натижага эришиш осон кечмаётгандир...
- Футболчилар ҳар битта ўйинга иштиёқ билан чиқишаяпти. Кўрсатмаларни бекаму кўст бажаришмоқда. Ҳимояда тартибли ўйин кўрсатаяпмиз. Натижаларимиз маҳсули шунинг учун ҳам ижобий.

- Жамоа Суперлигада энг кам гол ўтказиб юборган коллективлардан бири бўлиб турибди...
- Таъкидлаганимдек, ҳимояда тартибли ўйин кўрсатаяпмиз. Айни пайтда битта ҳужумчи билан ўйнаяпмиз, ихтиёримиздаги таркибдан келиб чиқиб. Бундан ташқари рақибнинг ўйинига қараб тактика танлаймиз.

- U-21 жамоасини ҳам кузатиб борасизми?
- Ҳозирча тўғриси кузатолмадим. Бизда U-21 дан ташқари U-18 ёшлилар биринчилиги ўтказилаётганлиги ҳам зўр иш. Албатта вақт ажратиб ёшларнинг ўйинини кузатаман. Иқтидорли ўйинчиларга зарур тавсиялар бериб, асосий таркибга тайёрлаб борамиз.