Улуғбек Бақоев: "Чиройли ўйин бўлди"
08 apr 2021 22:21
News

Улуғбек Бақоев: "Чиройли ўйин бўлди"

Суперлиганинг 5-туридан ўрин олган "Бунёдкор" - "Сўғдиёна" (2:2) учрашувидан кейин ўтказилган матбуот анжуманининг биринчи қисмида меҳмонлар устози Улуғбек Бақоев иштирок этди.

- Назаримда бугунги учрашув барчага бирдек манзур бўлди. Чиройли ўйин гувоҳига айландик. Мезбонлар дарвозасини ишғол қилиш учун етарлича имкониятга эга бўлган бўлсак-да, фойдалана олмадик. Аксинча, гол ўтказиб юбордик. Бу – футбол! Бир очко ҳам очко.

Лекин «Бунёдкор»га ҳам бизга ҳам бу очко керак эмасди. Баҳс мухлислар учун аталди. Йигитларга бугунги ўйинда борларини бергани учун миннатдорчилик билдираман.

"Бунёдкор" ўз уйида ўйнади. Табиийки, ғалаба учун тўп суриши, ҳужум уюштириши, гол уриш учун барча имкониятни ишга солиши, таваккал қилиши олдиндан маълум эди. Шундай бўлса-да, иккинчи бўлимда ҳам бизда гол уриш учун 3-4та вазият бўлди. Биз ютишни истагандик, аммо режамиз амалга ошмади, - деди Бақоев

Link :

Source : "Бунёдкор" матбуот хизмати

Receive latest football news directly on your phone. Subscribe for our Telegram channel!

Rating: +8