Улуғбек Бақоев: "Биринчи даврада уй ўйинларини "Бунёдкор" стадионида ўтказамиз"

Ўйин ҳақида

- Бугун мавсумнинг илк расмий учрашувини ўтказдик. Биринчи ўйинлар одатда у қадар ҳам ёрқин ўтмайди. Жамоамиз таркиби деярли 90 фоиз янгиланиб кетди, футболчиларга ўзаро мослашиб олишлари учун вақт керак. Шунингдек, майдон ҳам бир оз юмшоқдек кўринди. Тўп майса устида яхши юрмагани сабабли ўйин сифатига таъсир кўрсатган бўлиши мумкин.

- "Бухоро" уй учрашувларини эндиликда қайси стадионда ўтказади?

- Биз ҳозир "Бунёдкор" стадиони билан келишувга эришганмиз. Про-лиганинг биринчи даврасини Тошкентда ўтказамиз. Про-лига тақвими қулай ишлаб чиқилган, бу борада ташкилотчиларга раҳмат айтаман.

- Жамоангиз бугун бир очко ишладими ёки икки очко йўқотдими?

- Биринчи ўйинларда мослашиб кетиш осон бўлмайди. Футболчиларга ўйин ритмига тушиб олишлари учун озроқ вақт керак. Бугун ҳар икки жамоа бир очкодан ишлади.

- Захирадан қўшилган футболчилар ўйинни кучайтира олдими?

- Бугунги ўйин учун йигитларга раҳмат айтаман. Йигитлар майдонда борларини бериб ҳаракат қилишди. Ўйинлар давомида кучайиб борамиз.