Улуғбек Асанбаев — "Зомин" вице-президенти

"Зомин" клуби олдига ёш футболчиларни тарбиялаш ва терма жамоаларга муносиб кадрларни етказиб бериш вазифаси қўйилган. Асоси 17-18 ёшли футболчилардан ташкил топган мазкур клуб Ўзбекистон кубоги гуруҳ босқичида "Локомотив" ва "Қизилқум" каби Суперлига жамоаларига қарши муносиб ўйинлар намойиш этди.

2024 йил март ойида Асанбаев "Андижон" клубида маслаҳатчи лавозимини эгаллаган эди, унинг вазифаларига селекция ва жамоа таркибини шакллантириш кирарди.

Унинг сайъ-ҳаракатлари туфайли "Андижон" 8 турдан кейин пешқадам "Навбаҳор"дан атиги 2 очко ортда қолмоқда ва Ўзбекистон чемпионати пешқадамлари орасида бормоқда.

Эслатиб ўтамиз, ўтган мавсумда Асанбаев Қозоғистоннинг "Ордабаси" клубида селекция ва трансферларига жавобгар эди.  Якунда ушбу клуб ўз тарихида илк бор Қозоғистон чемпиони бўлганди.