Украиналик ҳимоячи Сергей Симоненко "Бунёдкор"га текинга ўтади

Унинг агенти Сефер Алибаев sport.ua сайтига ўз фикрларини билдирди: «22 январь куни «Бунёдкор» «Ростов» билан назорат учрашуви ўтказди. 1:1 ҳисобида тугаган ўйинда украиналик Александр Пишур 75 дақиқа ўйнади. Сергей Симоненко эса жамоа йиғинига кечроқ қўшилгани учун жисмоний ҳолат устида ишлади. Менимча у 25 январдаги Москванинг «Динамо» клубига қарши ўйинда майдонга тушса керак. «Бунёдкор»га у менинг ташаббусим орқали келди. Агар «Бунёдкор» мураббийларига ҳимоячининг ҳаракатлари маъқул келса у эркин агент сифатида «қалдирғочлар» сафига кўчиб ўтади».
 
Таъкидлаш лозимки, Симоненко 2014 йил 1 январидан эркин агентга айланган.