Украина чемпионати ўйини кучли қор туфайли тўхтаб қолди ФОТО
04 dec 2017 09:02
News

Украина чемпионати ўйини кучли қор туфайли тўхтаб қолди ФОТО

Украина чемпионатининг 18-туридан ўрин олган «Карпати» – «Олимпик» учрашуви об-ҳаво инжиқлиги туфайли охирига етмай қолди.

Танаффусдан сўнг бош ҳакам Катерина Монзуль ўйинни давом эттирмасликка қарор қилди. Сабаби қор ёғишдан тўхтамаётган ва майдон бутунлай қор билан қопланиб бўлганди.

Стадион ишчилари ҳакамлар ўз хоналарига кириб кетгач майдонни қорда тозалашни бошлашди. Кейинроқ уларга мухлислар ҳам қўшилишди. Ярим соатда майдоннинг деярли ярми тозаланди.

Аммо ҳакамлар ўйинни давом эттирмасликка қарор қилишди. Танаффусга жамоалар 1:1 ҳисобида чиқиб кетишганди. Учрашувнинг иккинчи бўлими қачон ўтказилиши номаълум.