УЕФА Роналдунинг ишини 27 сентябрда кўриб чиқади
20 sep 2018 18:16
News

УЕФА Роналдунинг ишини 27 сентябрда кўриб чиқади

Кеча бўлиб ўтган ЕЧЛ 1-тури доирасидаги баҳсда "Ювентус" форварди Криштиану Роналду қизил карточка олганидан хабарингиз бор.

УЕФА Роналдунинг тартиб-интизом ишини 27 сентябрь куни кўриб чиқади.

"Криштиану Роналдунинг қизил карточка билан боғлиқ тартиб-интизом ишини УЕФА кейинги пайшанба куни кўриб чиқади", - деб ёзди "Ассошиэйтед Пресс" агентлиги журналисти Роб Харрис.

Роналду 2 октябрь куни "Янг Бойз"га қарши ўтадиган 2-тур ўйинини ўтказиб юбориши аниқ. Лекин, УЕФА ишни кўриб чиққанидан сўнг дисквалификация муддати узайтирилиши мумкин.

"Кекса синьоралар" 3-турда "Олд Траффорд"да МЮ меҳмони бўлишади. Вазият италияликлар учун салбий якун топадиган бўлса, Криштиану ўзининг жонажон стадионида жонажон клубига қарши майдонга туша олмайди.