УЕФА "Лейпциг"нинг ЕЧЛдаги иштироки бўйича баёнот берди

Бу иккала жамоа ўтган мавсумдаги натижаларига кўра, Европа чемпионлар лигасига йўлланма олишганди. Аммо бу икки клубнинг хўжайини битта инсонлиги сабаб, УЕФА икки клубдан бирига ЕЧЛда қатнашиш учун рухсат бериши айтилаётганди. Аммо УЕФА бу борада расмий баёнот берди ва ҳар иккала клуб келаси мавсумда ЕЧЛда қатнашиши мумкинлиги эълон қилинди.

Илк мавсумидаёқ Бундеслигада шовқин кўтарган "Лейпциг"нинг ЕЧЛдан мосуво қолиши адолатсизлик бўларди...

Австрия гегемонига айланиб бораётган "Зальцбург" ҳам ЕЧЛга ҳақли албатта...

Дитрих Матешицнинг ҳар иккала клуби ҳам ЕЧЛда иштирок этади. Бу тарихда илк маротаба руй бермоқда.

Эслатиб ўтамиз, Дитрих Матешиц Австриянинг "Ред Булл Зальцбург" ҳамда Германиянинг "РБ Лейпциг" клубларининг хўжайини саналади.