U19 терма жамоаси Венгрияга учиб кета олмади
06 jul 2014 17:15
News

U19 терма жамоаси Венгрияга учиб кета олмади

Кеча тунда Тошкент - Истанбул - Будапешт йўналиши бўйлаб Венгрия пойтахтига учиши керак бўлган Ўзбекистон ёшлар терма жамоаси ҳамон Тошкентда.

Турк ҳаво йўллари хизматидан фойдаланган вакилларимиз, кеча самолётдаги носозлик туфайли уча олмаганлар. Олган маълумотларимизга кўра, терма жамоамиз бугун ҳудди шу йўналиш бўйлаб тунги соат 03:05да парвоз қиладилар.

Техник носозлик кузатилган учоқда таъмирлаш ишлари олиб борилади. Шу боисдан бугун Туркиядан 320 кишига мўлжалланган катта самолёт учиб келади ва бугунги мижозларга қўшиб, кеча рейсдан қолган кишиларни ҳам олиб кетади.

Ҳудди шу рейс орқали Бразилияга учишни режа қилган Ўзбекистон мухлислар клуби раҳбари Абдурахмон Фозиловнинг ҳам режаларига ўзгартириш киритилган.

Шу ўринда, бир маълумотни айтиб ўтишимиз лозим. FIFA.uz лойиҳаси учун супер совға - Тайланддаги Осиё чемпионатига йўлланмани қўйган Абдурахмон Фозилов, Бразилиядан қайтгач ғолибни расман тақдирлайди.

"Ёшлигимдан ЖЧга боришни орзу қилар эдим. Бугун ниятим амалга ошди. Бразилияга кетишимда ЎФФнинг алоқаси йўқ. Ярим финалнинг икки ўйинини бевосита стадиондан кузатаман, афсуски финал ўйини учун чипта ҳарид қила олмадим, боиси тугаб қолган эди. Насиб қилса ЖЧ ярим финали атрофидаги энг қизиқарли лавҳаларни шу сайт орқали эътиборингизга тақдим этиб бораман", - дейди Фозилов.

Link :

Source : championat.asia

Receive latest football news directly on your phone. Subscribe for our Telegram channel!

Rating: