U16 Осиё чемпионати. Эрон биринчи бўлиб Жаҳон чемпионатига чиқди

Эрон ҳамда Вьетнам ўртасидаги баҳсда форслар рақибга ҳеч қандай имконият қолдиришмади - 5:0. Осиё чемпионатида ярим финалга чиққан Эрон шу билан бирга кейинги йил Ҳиндистонда ўтадиган ўсмирлар ўртасидаги U17 Жаҳон чемпионатига ҳам йўлланмани қўлга киритди. Ҳозирча ушбу мундиалга фақат мезбон Ҳиндистон автоматик тарзда чиққанди.

Бугун чорак финалнинг яна бир ўйинида Япония ва БАА тўқнаш келади. Ўзбекистон ўсмирлари эса эртага, 26 сентябрь куни Тошкент вақти билан соат 18:30да Ироқ билан ЖЧ йўлланмаси учун курашишади.

Чорак финал
25 сентябрь
15:30 - Эрон - Вьетнам 5:0

Голлар: Аллаҳёр Саййад 30, 72, Муҳаммад Гадери 47, Алиризо Асадабади 62, Амир Ходаморади 69.

25 сентябрь

19:30 - Япония - БАА

26 сентябрь
15:30 - Уммон - КХДР
18:30 - Ўзбекистон - Ироқ