U-23 Осиё чемпионати. Эртага Тошкентда қуръа ташлаш маросими ўтказилади

Қуръа жараёни "Бунёдкор" стадионида 9 июль куни соат 12:00да бошланади. 42 иштирокчи жамоа Ғарб ва Шарқ минтақаларига бўлинган ҳолда саралаш босқичида қатнашади. Қуръа натижаларига кўра жамоалар 11та гуруҳда 15та йўлланма учун кураш олиб боришади.

Ўзбекистон терма жамоласи финал босқичи мезбони сифатида тўғридан-тўғри йўлланмага эга бўлган. Шунга қарамай вакилларимиз саралашда иштирок этишади ва ҳар қандай ҳолатда финал босқичига чиқади. Саралаш баҳслари 23-31 октябрь кунлари марказлашган ҳолда ўтказилиши режалаштирилган.

ҒАРБ МИНТАҚАСИ
Биринчи саватча: Саудия Арабистони, Иордания, Сурия, БАА, Эрон, Ироқ.

Иккинчи саватча: Қатар, Баҳрайн, Тожикистон, Уммон, Фаластин, Бангладеш.

Учинчи саватча: Кувайт, Афғонистон, Туркманистон, Ҳиндистон, Ливан, Яман.

Тўртинчи саватча: Қирғизистон, Непал, Мальдив ороллари, Шри Ланка, Ўзбекистон.

ШАРҚ МИНТАҚАСИ
Биринчи саватча: Жанубий Корея, Австралия, Таиланд, КХДР, Вьетнам.

Иккинчи саватча: Япония, Хитой, Малайзия, Мьянма, Сингапур.

Учинчи саватча: Гонконг, Индонезия, Лаос, Камбоджа, Тимор-Лесте.

Тўртинчи саватча: Хитой Тайпеи, Мўғулистон, Филиппин, Бруней.

П.С. Ўзбекистон мезбон бўлгани ва унинг натижалари гуруҳ жадвалига таъсир қилмаслиги боис жамоамиз сўнгги саватчага жойлаштирилган.