U-16 Осиё чемпионати. Ўзбекистон охирги, Тожикистон биринчи саватчада

Куала-Лумпурда маҳаллий вақт билан соат 14:30да ўсмирлар чемпионатига қуръа ташлаш маросими бошланади.

Ушбу қуръа жараёнида Ўзбекистон ўсмирлар терма жамоаси 4-саватчадан жой олади. Сабаби мазкур саватчалар олдинги U-16 Осиё чемпионати натижаларига қараб тузилган. Ўзбекистон ўсмирлар терма жамоаси ўтган қитъа чемпионатига чиқа олмагани боис сўнгги саватчадан ўрин олган. Биз билан бир саватчада бўлган Хитой, Қатар ва БАА гуруҳ босқичида бизга рақиб бўлишмайди.

Маълумот учун, бу йилги қуръа ташлаш жараёнида қўшниларимиз Тожикистон ўсмирлари 1-саватчада бўлишади. Сабаби икки йил олдин ўтказилган U-16 Осиё чемпионатида Тожикистон финалга қадар етиб борган ва Японияга ютқазиб қўйган эди.

Баҳрайн мусобақа мезбони сифатида автоматик тарзда биринчи саватчада бўлади.


U-16 Осиё чемпионати-2020 саватчалар рўйхати:

1-саватча: Баҳрайн, Япония, Тожикистон, Жанубий Корея.

2-саватча: Австралия, КХДР, Индонезия, Уммон.

3-саватча: Ҳиндистон, Эрон, Яман, Саудия Арабистони.

4-саватча: Хитой, ЎЗБЕКИСТОН, Қатар, БАА.


Эслатиб ўтамиз, бу йилги U-16 Осиё чемпионати 16 сентябрь - 3 октябрь кунлари Баҳрайн мамлакатида бўлиб ўтиши режалаштирилган.