Тухель ўз штабига "Челси"дан икки кишини қўшиб олади
18 oct 2024 17:20
News

Тухель ўз штабига "Челси"дан икки кишини қўшиб олади

Томас Тухель Англия терма жамоасига "Челси"дан икки кишини олмоқчи.

51 ёшли германиялик мураббий январь ойидан Англия терма жамоасида иш бошлайди.

The Times нашри хабарига кўра, Тухель ўз штабини "Челси" дарвозабонлар мураббийи Илариу ва таҳлилчи Жеймс Мельбурн билан тўлдирмоқчи.

Илариу Лондон клубида 2006-2014 йилларда ўйнаган, 2016 йилдан буён дарвозабонлар мураббийи сифатида ишлаб келмоқда. Мельбурн "Челси"да 2005 йилдан буён фаолият олиб бормоқда.

Тез орада бу ҳақда расман эълон қилиниши кутилмоқда.