Latest news

09:38"Ливерпуль" ҳужумчиси гол уриши билан қизил олди  0 09:10ФИФА 2030 йилги жаҳон чемпионатини 64 та жамоа билан ўтказишдан манфаатдор - манба  8 09:05Goal. 2026 йилги "Олтин тўп" даъвогарлар рейтингини тузди. Амалдаги "Олтин тўп" соҳиби ТОП-5 да ҳам эмас  7 08:47Расман: "Барселона" юлдузларидан бири жароҳат туфайли узоқ муддатга сафдан чиқди  3 08:20Саудия қироли кубоги. "Олтин тўп" соҳиблари майдонга тушмаган баҳсда "Ал Насср" ва "Ал Иттиҳод" кейинг босқичга чиқди  1 07:48Ҳусанов жароҳат сабабли "Манчестер Сити"нинг нечта учрашувида майдонга тушмаслиги маълум  10 02:24Италия кубоги. "Милан" "Лечче"га қарши учрашувда навбатдаги ишончли ғалабасини қайд этди  2 02:20Ла Лига. "Реал Мадрид" меҳмонда "Леванте"ни йирик ҳисобда таслим этди  17 02:10Англия лига кубоги. "Ливерпуль" ва "Челси" ўз учрашувларида ғалаба қозониб, кейинги босқичга йўл олишди  4 00:30Кейн Англияга қайтмишни режалаштирмаяпти  2 23:54"Барселона"га "Камп Ноу"да ўйнашга рухсат беришмади. Стадионда хавфсизлик билан боғлиқ муаммолар мавжуд бўлиши мумкин  5 22:52Ўзбекистон U-16 терма жамоаси ўртоқлик учрашувида Венгрияга ютқазди  3 22:27Биринчи лига. "Локомотив"лардан 5тадан гол, Бухоро дербисида талабалар ғолиб ва бошқа натижалар  0 22:03Неймар "Олтин тўп" натижалари ҳақида: "Рафиньянинг 5-ўринда туриши - шунчаки масхарабозлик"  16 21:35U-21 биринчилиги. Пешқадамлардан дуранглар, Фарғонада 4:4 ва бошқа натижалар  0

"Турон"нинг кечаги аламли мағлубияти ҳақида News

"Турон"нинг кечаги аламли мағлубияти ҳақида

Ўз олдига жуда юқори мақсадларни қўяётган Яйпаннинг "Турон" жамоаси мана иккинчи йилдирки Ўзбекистон кубогининг илк ўйинидаёқ мағлубиятга учраб нуфузли мусобақадаги юришини тўхтатаяпти.

Ўтган мавсумда ўз майдонида Шаҳрихоннинг "Раш Милк" жамоасига қўшимча таймда 0:1 ҳисобида ютқазган бўлса, бу сафар пенальтилар сериясида "Шўртан" жамоасига ютқазгани янада аламли бўлди.

Ўйиндан кейин "Турон" бош мураббийи Исломбек Исмоилов "Ҳаёт яна давом этади" деди. Тўғри ҳаёт давом этади, лекин кечаги мағлубият жуда кўп нарсани йўқотилишига сабаб бўлди. Агар кеча "Турон" ғалаба қозониб, кейинги босқичдан ҳам ўтиб гуруҳ босқичига илиниб қолганида жуда кўп нарсага эришарди. Гуруҳ босқичида суперлиганинг учта жамоаси билан бир гуруҳга тушарди ва улар билан ўйинлар орқали анча тажриба тўпланарди. Бу рақиблар суперлиганиннг етакчи жамоалари балки "Пахтакор", балки "Насаф" ёки "Навбаҳор" ҳам бўлиши мумкин эди. Бу жамоаларга қарши ўйинлар "Турон" жамоасига жуда катта мактаб бўларди. Стадионга мухлислар киришига рухсат берилса яйпанлик мухлислар ҳам Суперлигамиздаги машҳур футболчиларни ўз шаҳри стадионида кўриб уларни ўйинларидан олам олам завқ-шавқ оларди. Афсуски шундай имконият қўлдан чиқарилди.

Менимча "Турон" асосий вақтда ўйин тақдирини ҳал қилмоқчи бўлганми пенальтилар сериясига етарли даражада тайёргарлик кўрмагани сезилиб қолди. Тўғри яйпанликлар "Қўқон-1912" ва "Навбаҳор" жамоалари билан ўртоқлик ўйинларида майдонга тушди, лекин ўртоқлик ўйини билан расмий ўйинни солиштириб бўлмайди. Про лигада ҳам кучли жамоалар бор, лекин барибир Суперлига жамоаларига қарши расмий ўйинларда майдонга тушишни гашти бошқача.

Кечаги кубок ўйинларидаги натижалар шуни кўрсатдики бу йили Про лигада ҳар йилгидан ҳам аёвсиз курашлар бўлади. Саккизта жамоанинг ҳам кучи деярли тенг. Деярли ҳаммаси Суперлигага чиқиш мақсадида майдонга тушади. Ҳар бир очкони қадри баланд бўлади. Ҳар бир очкони қўлга киритиш осон бўлмайди.

Юртимизда карантин чоралари юмшатилиб стадионга мухлисларни киришига рухсат берилса Про лига ўйинларида ҳам мухлислар Суперлига ўйинларидан қолишмайдиган жонли, муросасиз ўйинларни гувоҳига айланади.

Суперлигадан кейин Про лига ўйинларини ҳам бошланишини интиқлик билан кутамиз.






Фарҳоджон Узоқов
Фото: Дилмурод Исоқов

Rating: +5   

Comments

championat.asia
< show latest news
Яндекс.Метрика