Latest news

21:31"Арсенал"нинг асосий ҳимоячиси учун мавсум якунланди  0 21:00U-17 Осиё кубоги. Ўзбекистон U-17 - Таиланд U-17 2:1 (онлайн ҳисоб)  18 20:51Григорий Колосовский: "Ғалаба қозондик, лекин ўйин сифатидан умуман қониқмадим"  0 20:25"Реал" посбони сафдан чиқди  2 19:58"Арсенал" асосий ҳимоячиларидан бири учун мавсум якунланди  5 19:42Ўзбекистон кубоги. Сервер Жепаров бошчилигидаги "Оқ-тепа" ва Самарқанднинг "Иштихон" клуби гуруҳ босқичида   0 19:29УЕФА Рюдигерни дисквалификация қилиши мумкин  9 18:22Футзал. Ўзбекистон Хитой устидан йирик ҳисобдаги ғалабага эришди  4 18:00ПРО-Лига. "Арал" - "Жайхун" 4:0   13 17:55ПРО-Лига. "Локомотив" "Олимпик" билан баҳсда 0:2 ни 3:2 қила олди  6 17:45Руни: "Реал"га ўтиб, Трент тўғри қарор қабул қилди"  11 16:56Антони: "Қаерда бўлмай, МЮ ҳақида илиқ фикр билдиравераман"  0 15:534,4,4...Игорь Сергеев  5 15:28ФИФА рейтинги янгиланди. Ўзбекистон яна кўтарилди  24 14:59Канте Европага қайтиши мумкин  8

"Турон" жиддий ўзгаришларга қўл урмоқда News

"Турон" жиддий ўзгаришларга қўл урмоқда

Tags :  Турон
Яйпаннинг "Турон" клуби айни кунларда янги мавсумга тайёргарлик машғулотларини олиб бормоқда.

Ҳозирга келиб шартномаси якунлангани боис бир қатор футболчилар жамоани тарк этди. Жумладан, клуб Фозил Мусаев, Владислав Касминин, Абдуқаҳҳор Ҳожиакбаров, Акмал Ортиқов, Жаҳонгир Меҳмонов, Суннатилла Эрматов, Суннатилла Абдуллажонов, Даврон Умиров, Ғиёс Комилов, Ихтиёр Тошпўлатов ва легионер футболчилар Синиша Бабич, Даян Поньевичлар билан хайрлашди. Шунингдек, истеъдодли футболчи Билолхон Тошмирзаев ижара асосида "Қўқон-1912" клуби сафига қўшилди.

Ўтган мавсумларда жамоа сафида ўйнаб келган Музаффар Музаффаров, Дониёр Исмоилов, Абдулазизхон Абдурашидов, Сардор Абдураимов, Аслиддин Тоштемиров, Хумоюн Муртозаев, Асилбек Қаюмов ва Отабек Зокировлар янги мавсумни ҳам "Турон" таркибида ўтказадиган бўлди.

Шунингдек, 7 январь кунидан машғулотларга киришган жамоа сафида бир қатор янги футболчилар кўрикдан ўтишмоқда, улар орасида ёш легионер футболчи ҳам бор.  

Ўтган мавсумни "Андижон" сафида ўтказган иқтидорли ҳимоячи Абдуғани Камолов жамоа мураббийлар штабида илиқ таасурот қолдиргани туфайли ушбу футболчи билан шартнома имзоланди. Бундан ташқари, аввалги мавсумни Самарқанднинг "Динамо" клубида ўтказган ҳимоячи Ғолиббек Сарибоев ҳамда давралар оралиғида ижара асосида самарқандликлар сафига қўшилган дарвозабон Мирзоҳид Жалиловлар яна "Турон"га қайтишди.

Ўз навбатида ёшлар жамоалари сафида ўзларини кўрсатиб келаётган бир қатор футболчилар ҳам асосий таркибга жалб этилди. Хусусан, дарвозабонлар Амал Шавкетов, Отабек Агеев, ярим ҳимоячи Муҳаммадҳайит Қўлдашев, ҳимоячилар Саидафзалхон Аҳроров ва Элнурбек Турғуновлар айни кунларда асосий таркиб билан биргаликда машғулотларда иштирок этишмоқда.

Ўтган мавсум ўзининг ёрқин ўйинлари билан кўпчиликнинг эътиборини қозона олган кореялик легионер футболчи Ким Бойонг ҳам яқин кунларда машғулотларга келиб қўшилиши кутилмоқда.

Rating: +2   

Comments

championat.asia
< show latest news
Яндекс.Метрика