Туркманистонга 5та гол урган Мафтуна Шойимова: "Бу фаолиятимдаги энг зўр ўйин эмас"

Футзалчи 5та гол урган ҳолда мамлакатимизнинг Осиё кубогига йўл олишида катта ҳисса қўшди.

Ўйин ҳақида

— Ҳаммага раҳмат. Кейинги босқичга ўтиш учун ушбу ўйинга анча вақт тайёрландик. Осиё кубогида бундан ҳам яхши ўйинлар кўрсатишга ҳаракат қиламиз. Лазаретда жароҳат олган қизларимиз бор, улар ҳам қўшилса янада кучли бўламиз.

— Людмила Карачикнинг йўқлиги ушбу ўйинга таъсир қилдими?

— Ҳар бир футзалчининг ўз ўрни бор ва унинг йўқлиги ҳам ўйинга таъсир қилди.

— Сизни Осиё кубогига чиққанимиз билан табриклайман. Нима деб ўйлайсиз, бугунги ўйин фаолиятингиздаги энг ёрқиними?

— Йўқ, бундан ҳам яхшилари бўлган ва бундан кейин ҳам яхшироқлари бўлади.

— Осиё кубогига ҳам атиги 3-4 ой қолди. Кейинги режалар қандай?

— Ҳозирда биз кўпроқ Осиё кубогига тайёргарлик кўряпмиз. Айтиб ўтганимдек, қизлар келиб қўшилса, янада кучайамиз, — деди Мафтуна Шойимова.

ОК-2025 саралаши. Мафтуна Шойимованинг бенефисига айланган баҳсда вакилларимиз Туркманистонни 6:2 ҳисобида мағлуб этишди ва Осиё Кубоги "чипта"сини қўлга киритишди