Тур мухлислари - Наманганда
09 apr 2018 10:03
News

Тур мухлислари - Наманганда

Суперлиганинг 5-турида энг ажойиб муҳит "Навбаҳор" - "Насаф" учрашувида ҳукмронлик қилди.

Шу куни Наманганда гарчи об-ҳаво ноқулай келганига қарамасдан 15540 нафар ишқибоз ўз суюклиларини "Насаф"га қарши ўйинда ёлғизлатиб қўйишмади. Намангандаги баҳсларда одатда стадион лиқ тўлишига кўникиб қолдик. Аммо шу куни кучли ёққан ёмғир стадионни тўлиқ мухлислар билан тўлишига йўл қўймади. Шунга қарамай энг яхши мухлислар ташрифи Наманганда кузатилди. Шу тариқа бу турда энг фаол мухлислар номинациясида "Навбаҳор" ишқибозлари ғолибликни қўлга киритишди.

Эътиборлиси "Навбаҳор" мухлислари биринчи бўлиб Суперлигада икки турда энг яхши бўлишди. 3-турда ҳам сайтимиз Намангандаги мухлисларни энг яхши деб топганди. Қолган ҳеч бир клуб икки марта тур мухлиси йўналишида ғолиб бўлмади.