Тотти 9 ойдан сўнг комадан чиққан "Лацио" футболчисини йўқлаб борди
28 sep 2020 21:14
News

Тотти 9 ойдан сўнг комадан чиққан "Лацио" футболчисини йўқлаб борди

"Рома" собиқ сардори Франческо Тотти касалхонада бўлиб турган "Лацио" аёллар жамоаси аъзоси Илена Матиллини кўргани борди.

Қиз ўтган йилнинг декабрь ойида автоҳалокат натижасида оғир жароҳатлар билан касалхонага ётқизилган эди.

20 ёшли спортчи тўққиз ойни комада ўтказди. Фожиа ҳақидаги маълумот Тоттига етиб борди ва у видеомурожаат йўллади.

"Лацио"да ўйнаган, аммо "Рома"га мухлислик қилган Матилли яқинда анча вақтдан кейин комадан чиқди.

Тотти бугун эрталаб футболчининг ҳолидан хабар олиш учун касалхонага ташриф буюрди. У эса афсонани "Рома" либосида қарши олди. Тотти қиз билан бир соатча суҳбатлашди ва қиз тўлиқ соғайгач, уни кечки овқатга таклиф қилишга ваъда берди.

Link :

Source : La Repubblica

Receive latest football news directly on your phone. Subscribe for our Telegram channel!

Rating: +41