"Тоттенхэм" медиа олами вакилларидан уларни "Тоттенхэм Хотспур" ёки "шпорлар" деб аташини сўради

Маълумотларга кўра, Лондон клуби АПЛни ёритувчи медиа олам вакилларига "Тоттенхэм Хотспур" клуби номи янгиланди" сарлавҳали электрон хат орқали мурожаат қилган. Унда клубни қандай ном билан аташ кераклиги айтилган.

Лондонликлар клуб номини "Тоттенхэм Хотспур" ёки "шпорлар" деб аташни сўраган. "Тоттенхэм" вариантини умуман ишлатмасликни маслаҳат беришган.

Клуб буни қуйидагича тушинтирган: "Тоттенхэм" - бу Лондон тумани номи, клубники эмас". Маълум бўлишича, 2011 йилдан бери шундай сиёсат олиб борилаётган экан.

Февраль ойида АПЛни ёритаётган дунёнинг барча медиасига хат юборилган. АПЛ сайти ҳам бундан хабардор қилинган, лекин сайтда ҳаммаси тўғри ёзилган.