"Тоттенхэм" Кейнни АПЛнинг бошқа клубига қўйиб юбормайди

"Тоттенхэм" клуби президенти Дэниэл Леви Харри Кейнни АПЛ клубларига сотмайди. "Манчестер Юнайтед" клуби ёзда Кейнни сотиб олиш учун Лондон клубига таклиф жўнатишни режа қилган. Бироқ, "шпорлар" президенти бу таклифни трансфер суммасидан қатъий назар рад этади.

"Тоттенхэм" ҳали ҳам Кейнни клубда сақлаб қолишни мақсад қилган, аммо хориждан таклифлар бўлса, уни кўриб чиқишга тайёр. Олдинроқ, "Реал Мадрид" клуби Кейнга қизиқиш билдираётгани ҳақида хабар қилинганди. "Реал" Бензема клубни тарк этган тақдирда, Харри Кейнни сотиб олишни режа қилган.

Маълумот учун, Кейннинг "Тоттенхэм" билан шартномаси 2024 йилнинг ёзига қадар давом этади. Футболчи ушбу мавсум АПЛда 38 учрашувда майдонга тушиб, 30 та гол киритишга эришди.