Тошкент вилояти. Конституция кубогида "Рубин" ғолиб бўлди
11 dec 2018 14:39
News
Тошкент вилояти. Конституция кубогида "Рубин" ғолиб бўлди
1 ноябрь куни старт олган мусобақа 7 декабрь куни ўз ниҳоясига етди. Айтганимиздек, турнирда вилоят чемпионатида иштирок этган жамоалар қатнашди. Айрим туманлар иккита таркиб билан иштирок этди. Жамоалар асосан ёш футболчиларга эътибор қаратишди.
Мусобақанинг финал учрашуви Оҳангарон шаҳрида ўтказилди. Финалга етиб келган «Оҳангарон-С» - «Рубин» жамоалари ўртасидаги учрашув анча қизиқарли кечиб, якунда қибрайликлар амалда учрашув мезбонидан устун келишди - 2:1.
Финал баҳси якунлангач, ғолиб ва совриндорларни тақдирлаш маросими бўлиб ўтди. Тадбирда сўзга чиққан Тошкент вилояти футбол ассоциасияси биринчи вице-президенти Ботир Маҳмудов ва Оҳангарон шаҳар ҳокими Одилжон Жўраев иштирокчиларнинг кейинги фаолиятига омад тилаб, кубок ҳамда медалларни ўз эгаларига топширишди.
Қолаверса, финал учрашувини юқори савияда бошқарган ҳакамлар Андрей Снетков, Ҳусниддин Ўролов ва Р.Мавлоновга қимматбаҳо совғалар тақдим қилинди.
Тошкент вилояти футбол ассоциацияси мусобақани ташкил қилишда ва ўтказишда яқиндан амалий ёрдам берган Оҳангарон шаҳар ҳокими Одилжон Жўраевга миннатдорчилик билдиради.
КОНСТИТУЦИЯ КУБОГИ
Ярим финал
ОҲАНГАРОН-С (Оҳангарон) - БЎКАЛИК (Бўка) - 3:1
РУБИН (Қибрай) - ТОШКЕНТ ВИЛОЯТИ АКАДЕМИЯСИ - 3:0
ФИНАЛ
ОҲАНГАРОН-С - РУБИН - 1:2



Similar news
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Comments