"Торино" директори Шомуродов трансфери борасида музокаралар олиб борилаётганини тасдиқлади
18 jan 2023 21:27
News

"Торино" директори Шомуродов трансфери борасида музокаралар олиб борилаётганини тасдиқлади

“Торино” клуби спорт директори Давиде Вагнати “Рома” раҳбарияти билан ҳужумчи Элдор Шомуродовнинг трансферини муҳокама қилиш учун учрашгани ҳақидаги миш-мишларни тасдиқлади.

"Биз клуб директори Пинту билан учрашдик ва дўстона суҳбат олиб бордик", - деди Вагнати. "Учрашув давомида бир нечта тафсилотларни муҳокама қилдик. “Рома” билан яхши муносабатдамиз, воқеалар қандай ривож топишини эса яқин кунларда гувоҳи бўламиз.

Биз бир вақтнинг ўзида бир нечта футболчиларни кузатмоқдамиз, жумладан Шомуродовни ҳам. Ҳозирда ўзаро келишув ҳақида бош қотиряпмиз, ҳолбуки "Рома"да молиявий фейр-плей томондан кўплаб чекловлар мавжуд", - дея қўшимча қилди туринликлар спорт директори.

Эслатиб ўтамиз, аввалроқ Шомуродовга Франциянинг "Лилль" клуби қизиқиш билдираётгани ҳақида хабар бергандик.

Link :

Source : Sky Sports

Receive latest football news directly on your phone. Subscribe for our Telegram channel!

Rating: +9