Томас Тухель: "Лукаку узр сўради. У атайлаб бундай шовқин кўтармоқчи эмасди"

"Челси" клуби устози Томас Тухель жамоа ўйинчиси Ромелу Лукакунинг омма орасида катта мунозараларга сабаб бўлган интервьюси ҳақида гапирди.

"Лукаку келиб узр сўради ва бугундан жамоа машғулотларига қўшилди. Биз барчасини ўйлаб олиш учун бироз муддат олдик. Мен бир нарсани тушуниб олдим ва бу жуда муҳим эди. Лукаку бу ишни атайлаб қилгани йўқ. У атайлаб бундай шовқин кўтармоқчи эмасди.

У жароҳатдан қутилиб ўйнашга тайёрлигини айтганда, биз уни ҳали шай эмас деб ўйлагандик. Бу ерда унинг ҳулқи билан боғлиқ вазият сабаб қарор қабул қилинмаганди. Ҳозир эса хотиржамликни сақлашимиз керак. Сабаби, бу нарса баъзилар ўйлаганчалик қўрқинчили ҳолат эмас", -дейди Томас Тухель.

"Челси" бир неча кун олдин берган интервьюси учун форвард Ромелу Лукакуни жаримага тортади.