Тимур Кападзе: "Ўйлайманки, мухлисларимиз қаршисида яхши ўйин кўрсатиб, ижобий натижага эришамиз"
17 feb 2022 19:34
News
Тимур Кападзе: "Ўйлайманки, мухлисларимиз қаршисида яхши ўйин кўрсатиб, ижобий натижага эришамиз"
Шундан сўнг термамиз устози Тимур Кападзе ОАВ билан мулоқот қилди.
"Биринчи навбатда, муҳтарам президентимизга, ЎФА ва ОФК раҳбариятига миннатдорчилик билдираман. Бу биз учун катта тажриба бўлади. Қуръа яхши ўтди. Гуруҳимиздан қийин рақиблар жой олишди. Бироқ бу биз учун муаммо туғдирмаслиги лозим, чунки уйимизда ўйнаймиз. Мақсадимиз улкан, бунга эришиш учун астойдил ҳаракат қиламиз.
Умуман олганда, ҳамма гуруҳдан кучли жамоалар ўрин олишди. Ҳар бир жамоа ғалаба учун курашади.
Ўйлайманки, мухлисларимиз қаршисида яхши ўйин кўрсатиб, ижобий натижага эришамиз. Суперлигадаги ўйинлар ҳамда ушбу турнир орқали биз тажриба тўплаймиз ва албатта, кучаямиз. Кучли рақибларга қарши ўйнаб, йигитларимиз ўз маҳоратларини ошириб боришади.
Март ойидаги FIFA кунларида "Дубай Кубоги" мусобақасида иштирок этамиз. Ўша мусобақада ҳам кучли рақиблар билан тўқнаш келамиз. Бундан ташқари, ўртоқлик учрашувлари бўлади. Якунда ИншаАллоҳ ўз мақсадимизга етишамиз", – деди Тимур Кападзе.
Similar news
championat.asia
Роналду ММА-промоушен акциядорига айланди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Comments