Тим Кэйхилл: "Мен Гондурас билан ўйинга тайёрман"
14 nov 2017 11:28
News
![](https://championat.asia/upload/storage/288612_original.jpg)
![](/upload/storage/288612_220.jpg)
Тим Кэйхилл: "Мен Гондурас билан ўйинга тайёрман"
Хабарингиз бор, дастлабки учрашувда 0:0 ҳисоби қайд этилган ва энди Сиднейда бўладиган жавоб баҳсидан олдин Австралия яхши имкониятга эга.
Жамоа етакчиси Тим Кэйхилл ОАВга берган интервьюсида жавоб ўйинига тайёр эканини айтиб ўтди. Маълумки, у жароҳат сабаб биринчи ўйинда иштирок эта олмаганди. Эртага эса Австралия жаҳон чемпионатига бориш масаласини ҳал қилади. Ўйин бизнинг вақт билан 14:00да бошланади.
Кейинги йил Россияда бўлиб ўтадиган жаҳон чемпионатига чиқиш Тим Кэйхилл учун охирги имконият ва буни ҳужумчининг ўзи ҳам ҳис қилиб турибди. Агар Австралия мундиалга йўл ола билмаса, худди Италияда Буффон қилгани каби Кэйхилл ҳам терма жамоа билан хайрлашиши мумкин.
37 ёшли ҳужумчи эртанги муҳим баҳс олдидан шундай деди:
"Мен Гондурасда машғулот ўтказдим, лекин тиззамдаги оғриқ безовта қилиб эртаси кун майдонга туша олмадим. Энг муҳими, у ерда ютқазиб қўймадик ва ўз дарвозамиз дахлсизлигини сақлаб қолдик. Тўғри, майдон яхши ҳолатда эмасди, умуман иккала жамоа ҳам бир хил шароитда ўйнади".
"Сафарда 0:0 яхши, лекин вазифа ҳали бажарилгани йўқ. Олдинда бизни жавоб баҳси кутмоқда ва бунда бор имкониятни ишга соламиз. Терма жамоадан менда кўплаб яхши хотиралар қолган. Агар жаҳон чемпионатига чиқсак, бундай хотиралар яна кўпаяди. Мен эртанги баҳсга тайёрман ва ғолиб бўлиб Ватанимиз байроғини кўтарган ҳолда стадион бўйлаб югуришни хоҳлайман. Умид қиламанки, Австралия кетма-кет тўртинчи марта жаҳон чемпионатига чиқади".
Similar news
![AMP Logo](https://championat.asia/image/logo-amp.png)
Comments