Терри: "Челси" мен билан шартномани узайтирмаса, бошқа жамоада ўйнамайман"

34 ёшли футболчининг амалдаги келишуви мавсум охирида якунига етади.

"Мен ўзим ва оилам учун, шу билан бирга кўпчилик ноҳақ бўлганлигини исботлаш учун курашяпман. Яна қанча муддат тўп тепа олишимни билмайман. Агар бу сўнггиси бўлмаса, бир неча йил футбол ўйнашга умид қиляпман. Аммо бу охиргиси бўлса, эшикни қаттиқ ёпиб кетишни афзал кўраман. Агар "Челси" шартномамни узайтиришни истамаса, бу фаолиятимни якунлаш учун яхши имконият бўлади.

Бир тўхтамга кела олмаслиги қайсидир маънода менга ёрдам беради. Холат ўзгарган: бу ёшда 4-5 йиллик шартнома имзолай олмайман. Энди ҳаммаси клуб қўлида ва бу менга қўшимча куч бағишлайди" - дейди Терри.