Тен Хаг "Манчестер Юнайтед" мухлисларига очиқ хат ёзди

Мактубда тен Хаг мухлисларга жамоа билан бирдамлиги ижобий таъсир кўрсатганини қайд этиб, қўллаб-қувватлаганликлари учун миннатдорчилик билдирган. Нидерландиялик мураббий футболчилар ва мураббийлар штаби билан фахрланишини ҳам айтиб ўтган.

Тен Хаг, шунингдек, "Манчестер Юнайтед" бу соврин билан тўхтаб қолмаслигини таъкидлаган.

"Биз буюк клуб тарихи учун совринлар муҳимлигини биламиз. Кубокни “Олд Траффорд”га қайтарганимиздан жуда хурсандмиз. Лекин бундан қониқиш ҳосил қилмаймиз ва тўхтаб қолмаймиз", - деб ёзган тен Хаг.

Эслатиб ўтамиз, Лига кубоги финалида "Манчестер Юнайтед" "Ньюкасл"ни 2:0 ҳисобида мағлуб этди.