"Телеком кубоги"-2013. "Бавария" чемпион!

Кеча бўлиб ўтган ярим финал ўйинларидан сўнг финалчилар ва учинчи ўрин учун ўйнайдиган жамоалар аниқланганди. 

Бугун дастлаб учинчи ўрин учун баҳс ўтказилди. Унда Дормунднинг "Боруссия" клуби 21 ёшли Йонас Хоффманнинг голи эвазига "Гамбург"ни мағлуб этди.

Финалда эса "Бавария" ва Мёнхенглабахнинг "Боруссия" клублари тўқнаш келишди. Унда Гвардиола шогирдлари йирик 5:1 ҳисобида зафар қучишди. Тиаго Алкантара "Бавария" сафидаги илк голини уришга муваффақ бўлди.

Шундай қилиб "Бавария" "Телеком кубоги"-2013 соҳиби бўлди.

3-ўрин учун баҳс
"Боруссия" Д - "Гамбург" 1:0
Гол: Йонас Хоффман

Финал
"Боруссия" М - "Бавария" 1:5
Голлар: Де Йонг 30 - Рибери 18, Лам 21, Алкантара 26, Роббен 42, Мюллер 60.

Таъкидлаш лозим, ушбу мусобақада таймлар 30 дақиқадан иборат бўлди.