Тартиб-интизом қўмитаси қарорлари

Олий Лига
 «Металлург»га қарши 22-тур учрашувида тирсаги билан рақибининг қорнига зарба бергани ва оёғи билан тепишга ҳаракат қилгани учун майдондан четлатилган «Бунёдкор» ҳимоячиси Хайрулла Каримов 3та учрашувга дисквалификация қилинди ва жаримага тортилди.

 «Бунёдкор»га қарши 22-тур учрашувида оёғи билан рақибига ҳаддан ортиқ куч билан зарба бергани учун майдондан четлатилган «Металлург» ярим ҳимоячиси Дониёр Одилов 2та учрашувга дисквалификация қилинди ва жаримага тортилди.

 «Бунёдкор»га қарши 22-тур учрашувидан сўнг ҳакамлар бригадасига норозилигини билдиргани учун «Металлург» бош мураббийи Рустам Мирсодиқов жаримага тортилди.

 22-турдаги «Навбаҳор» - «Пахтакор» учрашувидан сўнг жанжал келтириб чиқарган «Навбаҳор» мураббийи Мустафо Байрамов ва «Пахтакор» мураббийи Дражен Дукич жаримага тортилди.

 22-турдаги «Навбаҳор» – «Пахтакор» учрашуви якунига етганидан сўнг, майдонга Наманган клубининг уч нафар ишқибози югуриб чиққани муносабати билан, «Навбаҳор» ПФК ўз фан-клуби билан тарбиявий суҳбат ўтказиши ва кўрилган чоралар юзасидан расмий жавобни тақдим этиши шарт.

Ёшлар Биринчилиги
«Қизилқум»га 20-тур учрашувида ҳакам шаънига номаъқул фикрлар билдиргани учун майдондан четлатилган «Динамо» ҳимоячиси Саддам Боймаматов 3та учрашувга дисквалификация қилинди.

 «Металлург»га қарши 22-тур учрашувида мухлислар шаънига ҳақоратли ишора қилгани учун майдондан четлатилган «Бунёдкор» ҳужумчиси Александр Хамходера 3та учрашувга дисквалификация қилинди ва жаримага тортилди.

 «Олмалиқ»га қарши 22-тур учрашувида ўйин қоидаларини қўпол равишда бузгани учун майдондан четлатилган «Динамо» ҳужумчиси Мурод Ражабов 2та учрашувга дисквалификация қилинди.

Биринчи Лига
«Ўз-Донг-Жу»га қарши иккинчи босқич 8-тур учрашувида ҳакам шаънига номаъқул фикрлар билдиргани учун майдондан четлатилган «Машъал-2» ҳужумчиси Сардор Абдураимов 3та ўйинга дисквалификация қилинди.

 «Шўртан»га қарши иккинчи босқич 9-тур учрашувида тажовузкор хулқи сабаб майдондан четлатилган «Ўз-Донг-Жу» ярим ҳимоячиси Улуғбек Усмонов 3та учрашувга дисквалификация қилинди.

 «Ўз-Донг-Жу»га қарши иккинчи босқич 10-тур учрашувида майдондан четлатилган «Машъал-2» дарвозабони Шерзодбек Абдураимов 4та учрашувга дисквалификация қилинди.

 «Оқтепа»га қарши иккинчи босқич 10-тур учрашувида рақиби шаънига номаъқул фикрларни билдиргани учун майдондан четлатилган «Шердор» ҳимоячиси Жасур Қурбонов 2та учрашувга дисквалификация қилинди.

 «Зомин»га қарши иккинчи босқич 11-тур учрашувида ҳакам шаънига номаъқул фикрлар билдиргани учун майдондан четлатилган «Пахтакор-2» ҳимоячиси Нодирбек Юлдашев 3та учрашувга дисквалификация қилинди.

 «Истиқлол»га қарши иккинчи босқич 12-тур учрашувида қоидаларни қўпол равишда бузгани учун майдондан четлатилган «Зомин» ярим ҳимоячиси Суҳробжон Саримсоқов 2та учрашувга дисквалификация қилинди.