Тартиб-интизом қўмитаси қарорлари

Олий Лига
«Пахтакор»га қарши 9-тур учрашувида рақиби юзига ҳаддан ташқари куч билан зарба бергани учун майдондан четлатилган «Навбаҳор» ҳимоячиси Юрий Рижко 2та учрашувга дисквалификация қилинди ва жаримага тортилди.

Ўзбекистон Кубоги
«Насаф»га қарши нимчорак финал дастлабки учршаувида ўйин тўхтатилган вақтда рақиби юзига зарба бергани учун майдондан четлатилган «Андижон» ярим ҳимоячиси Иброҳим Отахонов 3та учрашувга дисквалификация қилинди ва жаримага тортилди.

«Хотира-79»га қарши нимчорак финал дастлабки учрашувида рақиб жамоа мураббийига қарата стадионда тартибсизликлар келтириб чиқариши мумкин бўлган ишора қилгани учун майдондан четлатилган «Оқтепа» мураббийи Анатолий Курлаев 4та учрашувга дисквалификация қилинди.

«Оқтепа»га қарши нимчорак финал дастлабки учрашувида ҳакам шаънига номаъқул фикрлар билдиргани учну майдондан четлатилган «Хотира-79» жамоаси бошлиғи Илҳом Отавалиев 3та учрашувга дисквалификация қилинди.

«Олмалиқ»га қарши нимчорак финал жавоб учрашувида рақиби оёғига ҳаддан ташқари куч билан зарба бергани учун майдондан четлатилган «Қизилқум» ярим ҳимоячиси Самандар Шодмонов 2та учрашувга дисквалификация қилинди ва жаримага тортилди.

«Истиқлол»га қарши нимчорак финал жавоб учрашувида ўйин тўхтатилганидан сўнг рақибига қўл билан зарба бергани учун майдондан четлатилган «Навбаҳор» дарвозабони Хуршид Хўжаев 3та учрашувга дисквалификация қилинди.

Биринчи Лига
«Шердор»га қарши биринчи босқич 8-тур учрашувида майдондан четлатилган «Ғиждувон» ярим ҳимоячиси Фаёз Эргашев 3та учрашувга дисквалификация қилинди.

«Шердор»га қарши биринчи босқич 9-тур учрашувида тажовузкор хулқи учун майдондан четлатилган «Регистон» ярим ҳимоячиси Олим Эргашев 4та учрашувга дисквалификация қилинди.

«Хотира-79»га қарши биринчи босқич 9-тур учрашувида ўйин қоидаларини жиддий равишда бузгани учун майдондан четлатилган «Чуст-Пахтакор» ҳимоячиси Ильмитдин Маматбоқиев 3та учрашувга дисквалификация қилинди.

«Пахтакор-2»га қарши биринчи босқич 9-тур учрашувида тажовузкор хулқи учун майдондан четлатилган «Обод» дарвозабони Бекзод Омонуллаев 3та учрашувга дисквалифиакация қилинди.

«Шўртан»га қарши биринчи босқич 9-тур учрашувида ҳакам шаънига номаъқул фикрлар билдиргани учун майдондан четлатилган «Шердор» ҳимоячиси Озод Турсунов 2та учрашувга дисквалификация қилинди ва жаримага тортилди.