Тачмурод Агамуродов: "Пахтакор"га қарши баҳсда биронта ўзгариш қилмаганимизнинг сабаби бор"

"Бугун йигитлар олдинги икки ўйинга қараганда яхшироқ ўйнашди. Рақиб ҳам кучли эди. Ҳимоядан ўйнадик, иккинчи таймда жуда тезкор гол ўтказиб юбордик, кейин эса 100 фоизли имкониятдан фойдалана оладик. Умуман олганда эса йигитларнинг ҳаракатларидан қониқдим, натижада эса ўз ўзидан қониққаним йўқ.

Бугун умуман ўзгариш қилмадик? Сабаби ўтган ўйинларда ўзгаришлардан кейин ўйинимиз бузилиб кетаверди. Ҳозирча бир қатор футболчилар улардан айнан нима талаб қилинаётганини охиригача тушуниб етишмаяпти.

Кенжаев, Туропов, Бегишев каби U-21 жамоасидаги футболчиларнинг ўйинларини кузатдим. Агар ўз устиларида ишлашда давом этишса албатта асосий таркибга жалб этамиз. Дастлаб биз мусобақа жадвалидаги ўрнимизни яхшилаб олишимиз керак. Кейин аста-секин ёшларга ҳам имконият берамиз. Бу борада Ҳамиджон Актамов билан ҳам суҳбатлашдик. Навоий вилоятида кўплаб қобилиятли ёшлар бор, шу боис келажакда академияни ривожлантириш керак", - дейди Тачмурод Агамуродов.