"Суперлиганинг энг яхшиларига терма жамоада имконият берилмагани хайрон қолдиради. Катанец ўзига кераклиларни аниқлаб олган" — Ислом Тўхтахўжаев

Бундай вазиятда асосий юк ҳимоя чизиғи вакилларига тушади. Терма жамоа сафида кўплаб учрашувларда майдонга тушган тажрибали футболчи Ислом Тўхтахўжаев бўлажак ўйинлардан олдин мудофаа чизиғимиз ҳақида фикр билдирд.

- Анча вақтдан бери терма жамоадан чақирув олганингиз йўқ. Демак четдан кузатиш имкони бўлган. Ўзбекистон миллий терма жамоасининг бугунги ҳимояси ҳақида фикрингиз қандай?
- Бу чизиқда жамланган футболчиларнинг барчаси иқтидорли. Ҳар бири ўзига яраша кучли.

- Сречко Катанец сизнинг барча футболчиларни кузатяптими? Шахсан бизга бу нарса сезилмади...
- Менимча ўзига керакли ўйинчиларни аниқлаб олган. Ҳамма мураббийнинг ўзига яраша қарашлари, фалсафаси бор. Шунинг учун уларни фақат қўллаб-қувватлаш керак.

- Чизиқлардаги рақобатга қандай баҳо берасиз?
- Очиғи билмадим. Мен учун бугунги кунда ким зўр спорт формасида бўлса, ўша футболчи тўп тепиши керак. Айни пайтда Суперлигада энг яхши бўлиб турганларнинг кўпчлигига бирор маротаба имконият берилмагани хайрон қолдиради. Аксига олиб фақат ўртоқлик учрашувлари ўтказиляпти.

- Сенегалга умуман Африка қитъаси жамоаларига қарши ўйнаган футболчи сифатида ҳимоячилар қандай ҳаракат қилиши керак, деб ўйлайсиз?
- Бақувват ҳимоячиларимизга ишонаман. Мураббийнинг кўрсатмасини бажаришга ҳаракат қилишса, ҳаммаси кўнгилдагидек ўтади.

Абдулазиз Искандаров суҳбатлашди