Суперлига. Ой мураббийи - Миржалол Қосимов

Ушбу ойда ўтказилган 3та турдан келиб чиқиб ойнинг энг яхши мураббийи деб АГМК клуби устози Миржалол Қосимов тан олинди. Олмалиқликлар июлдаги учта беллашувнинг иккитасида "Насаф" ва "Қўқон-1912"ни мағлуб этишди ҳамда Тошкентда мусобақа пешқадами, амалдаги чемпион "Пахтакор" билан дуранг ўйнашди.

АГМК 9-турдан сўнг пешқадамдан бир очко кам жамғарган ҳолда турнир жадвалида иккинчи поғонада бормоқда. Айни пайтда Қосимов жамоаси бу мавсум умуман ютқазмаган ягона клуб ва чемпионатда энг кам гол ўтказган икки клубдан бири бўлиб турибди.

Шу тариқа, Миржалол Қосимов championat.asia талқинига кўра июль ойининг энг яхши мураббийи деб топилди.

АГМКнинг июль ойида ўтказган ўйинлари:

Coca Cola Суперлигаси, 7-тур
АГМК - "Насаф" 2:1

Coca Cola Суперлигаси, 8-тур
АГМК - "Қўқон-1912" 2:1

Coca Cola Суперлигаси, 9-тур
"Пахтакор" - АГМК 2:2



Эслатиб ўтамиз, июнь ойида ҳам Қосимов энг яхши мураббий бўлган эди.