Суперлига 26-турининг барча учрашувлари бир вақтда бошланади

Аввалроқ Лига 25-тур учрашувлари вақтини эълон қилганди. 

24-турдан кейинги турнир жадвалига кўра, 26-турнинг барча учрашуви алоҳида аҳамият касб этади. Яъни, совринли ўринлар ҳамда Суперлигада жон сақлаб қолиш учун кураш олиб бораётган жамоалар ўзаро тўқнаш келади. Шундан келиб чиқиб, бирор учрашувни бошқа соатда ташкил қилиш имконияти мавжуд эмас. Клублар сафарга тайёргарлик кўришига вақт оз қолгани учун 25-турдан кейин бирор хулосага келиш имконсиз ҳисобланади. 

26-тур 30 ноябрь куни 15:00 да старт олади. Беллашувлар қай тартибда телетрансляция қилиниши ҳамда айнан қайси ўйинларда VAR технологиясидан фойдаланилиши масаласи 25-турдан кейин аниқлаб олинади.

Учрашувлар санасини белгилашда "Пахтакор" ва "Насаф" клубларининг халқаро майдондаги иштирокидан келиб чиқилди. Боиси, ҳар икки клуб 26-турга қадар ва ундан кейин халқаро ўйинларда майдонга тушади.