Суперлига. 14-тур лауреатлари

Championat.asia тур баҳслари асосида тур лауреатларини аниқлади.

"Металлург" бу тур Тошкент вилояти дербисида АГМК меҳмони бўлди ва 1:0 ҳисобида ғалабани тантана қилди. Бекободликлар посбони шу куни яхши ўйнади ва рақибларнинг бир қатор зарбаларини қайтаришга эришди. Шу боис "Металлург" посбони Акмал Ортиқов championat.asia сайти талқинига кўра, 14-турнинг энг яхши дарвозабони деб топилди.

"Навбаҳор" бу тур Қаршида "Насаф" меҳмони бўлди ва 1:0 ҳисобида ғолиб бўлди. Самвел Бабаян жамоаси шу куни мезбонларга деярли ҳеч қандай имконият қолдиришмади ва "Насаф" мавсумдаги илк мағлубиятини қабул қилиб олишига мажбур бўлди. Championat.asia сайти талқинига кўра, 14-турнинг энг яхши мураббийи Самвел Бабаян бўлди.

Бу турда "Металлург" ярим ҳимоячиси Дамир Темиров АГМК билан баҳсда бурчак тўпини тўғри дарвозага жойлаб қўйди ва тур голи муаллифига айланди. 

"Олимпик" ҳужумчиси Русланбек Жиянов "Сурхон"га қарши баҳсда шунчаки ажойиб ўйнади ва иккита гол урди. Бундан ташқари айнан унинг ҳаракатидан кейин термизликлар посбони қизил карточка олди. Шу тариқа, Русланбек Жиянов championat.asia талқинига кўра 14-турнинг энг яхши футболчиси деб топилди.