Сунесс: "Ҳужум қилишда "Манчестер Сити" ва "Арсенал" "Ливерпуль"дан яхшироқ"

"Арне Слот бошқарувни қўлига олганидан кейин жамоада кучайиш кўрмадим. Фикримча, жамоа жуда ҳимоявий ўйин кўрсатмоқда, балки, улар очиқроқ ва ҳужумкорроқ ўйнаши керакдир. Улар мени ҳайратлантиришдими? Йўқ.

"Манчестер Сити" ва "Арсенал"нинг ўйинларини кўрар эканман, улар "Ливерпуль"дан яхшироқ эканлигини сезиб турибман. Слот яхши старт олди, футболчиларга у билан ишлаш маъқул келмоқда. Лекин ҳозир жамоа ғалабаларга эришмоқда. Мағлубиятлар кетидан муаммолар кўринишни бошлайди. Кафолат бераман, муаммолар бошланганда умуман бошқача Арне Слотни кўрамиз.

"Челси"га қарши ўйиннинг сўнгги дақиқаларида улар ўйинни ўлдиришга ҳаракат қилишди. Бу яхши ҳолат эмас, бу "Ливерпуль"нинг услуби эмас. Лекин ғалаба қозонсанг, сени мақташади. Агарда мағлуб бўлсанг: "Бу "Ливерпуль"нинг услуби эмасди. Бошқачароқ ўйнаш керак", дейишади.

Ҳозирча биз Клопп давридаги рок-н-роллни кўрмаяпмиз. Тарихан олиб қарасак, жамоа доимо ташаббусни қўлига олиб ўйин кўрсатган", - деди Сунесс.