Султонбек Нурметов: "Пахтакор"га қарши ўйинда йигитларнинг ҳаракатидан хафа эмасман"

"Йигитлар бугун ёмон уйнашмади. Асосий эътиборимиз биринчи лигага қаратилган икки кун олдин "Регистон" билан ўйнагандик. Йигитларга эътирозим йўқ", - деб гап бошлади "Хоразм" жамоаси бошлиғи Султонбек Нурметов.

"Таркибимизда 80 фоиз маҳаллий футболчилар бор. Тажрибали футболчилар ҳам бизга керак".

"Ўйиннинг Тошкентга кўчирилишига сабаб ҳозирда Хоразмдаги уй стадионимиз қайта таъмирланмоқда. Шу боис уй ўйинларимизни Хивадаги стадионда ўтказаяпмиз. Майдон у қадар талабга жавоб бермайди. Шу боис "Пахтакор" бизга Самарқандда ўйнайсизлар Тошкентга яқин, ўйинни шу ерда ўтказайлик деб таклиф билан чиқди. Биз бунга рози бўлдик".

"Камчиликларимиз жуда кўп, лекин иш олиб борилмоқда. Олий лигага чиқиш мақсадимиз. Унга ҳаракат қиламиз".

"Қизил карточка борасида ҳакамлардан сўрадим. Аниқ жавоб беришмади. Буни аниқлаштирамиз".

Хоразмдаги стадионимиз 2003 йилдан сўнг биринчи бор қайта таъмирланмоқда. Барчаси "Умид ниҳоллари" учун.