Сульшер: "Роналдунинг жамоага тўсқинлик қилаётганини эшитиш жуда кулгили"
05 nov 2021 20:08
News

Сульшер: "Роналдунинг жамоага тўсқинлик қилаётганини эшитиш жуда кулгили"

"Манчестер Юнайтед" бош мураббийи Оле-Гуннар Сулшер АПЛ доирасида "Манчестер Сити" билан принципиал қарама-қаршилик арафасида матбуот анжуманида иштирок этди ва журналистларнинг саволларига жавоб берди.

Норвегиялик мутахассис Криштиану Роналду ва унинг жамоага таъсири мавзусига тўхталиб ўтди. Мураббий кўплаб мухлис ва мутахассисларнинг фикрига қўшилмаслигини айтди.

"Қандай қилиб Криштиану жамоага халақит бермоқда, деб айта оласиз? Мен буни тушунмаяпман, бу кулгили туюлади. Роналду сайёрамизга қадам қўйган энг буюк футболчилардан бири. У ўз соҳасининг ҳақиқий профессионали ва унинг жамоага таъсири жуда катта", - дея изоҳ берди Сульшер.

Эслатиб ўтамиз, португалиялик ҳужумчи жорий мавсумда "Манчестер Юнайтед" сафида 12 та ўйинда майдонга тушиб, 9 та гол ва 1 та голли узатмага муаллифлик қилган.

Link :

Source : manutd.com

Receive latest football news directly on your phone. Subscribe for our Telegram channel!

Rating: +13