Сульшер: "Погба ҳали ҳам МЮда тўп тепмоқчи"
04 aug 2019 08:36
News

Сульшер: "Погба ҳали ҳам МЮда тўп тепмоқчи"

"Манчестер Юнайтед" бош мураббийи Уле-Гуннар Сульшернинг тасдиқлашича, Погбанинг Халқаро Чемпионлар кубоги мусобақасида "Милан"га қарши баҳсда қайдномадан жой олмаганлиги унинг жароҳати билан боғлиқ.

Мураббийнинги ишонишича, француз ярим ҳимоячиси янги мавсумни ҳам "қизил иблислар" таркибида ўтказади.

"Погба кейинги ҳафтада машғулотларга қайтади. Унинг жароҳати у қадар жиддий эмас, шунчаки оёғида оғриқ бор. Мен таваккал қилишни истамадим ва уни қайдномага киритмадик. Погба ҳали ҳамон МЮда тўп тепишни истаётганлиги ҳақида менда ҳеч қандай шубҳа йўқ", дея Сульшернинг сўзларидан иқтибос келтирмоқда Goal.

Илгарироқ Погба ўзи билан боғлиқ вазиятдан норози эканлиги ва ҳали ҳамон "Реал"га ўтиш ниятида эканлиги ҳақида хабарлар чиққанди. Айнан шу сабаб "қизил иблислар" мураббийлар штаби "Милан"га қарши баҳсда Погбанинг хизматларидан фойдаланмасликка қарор қилган, дея тахмин қилинганди.

Link :

Source : Goal

Receive latest football news directly on your phone. Subscribe for our Telegram channel!

Rating: +2