Сульшер: "Брайтон" билан ўйнаш осон эмас"

"Брайтон" билан ўйнаш осон эмас. Ҳа, доимо натижаларимиз яхши бўлган. Аммо доимо бунга қийинчилик билан эришганмиз. Мана бу сафар ҳам иккинчи бўлимдагина натижани яхшилай олдик.

Гол урилган вазиятда Рэшфорд ажойиб ҳаракат қилди - жуда босиқлик ва аниқлик билан гол уриб кетди. Маркус бу борада жуда кўп ишлайди.

Гринвуд жанговар ўйнади. Бугун у энг яхши футболчилардан бири бўлди. Тартибли ҳаракат қилди ва голга лойиқ ўйнади.

Ўйинни яхши бошладик. Бироқ "Брайтон"нинг голи ўйин ритмини бузиб юборди. Шу боисдан ритмни ўзгартириш учун бизга танаффус керак эди. Биз рақибдан кўра кўпроқ ҳудудларда ҳаракат қилдик", - деди Сульшер.